கொரானா வைரஸ் தொற்று இரண்டாம் அலை காரணமாக மதுரையில் 5921பேர் சிகிச்சை பெற்று வருகின்றனர். மதுரையில் கடந்த சில நாட்களாகவே கொரானா தொற்று பாதிப்பு 300க்கும் கீழ் குறைவாகவே உள்ளது.
இந்நிலையில் மதுரையில் உள்ள தனியார் மருத்துவமனைகளில் 1109 பேர் சிகிச்சை பெற்று வருகின்றனர்.
நரிமேடு பகுதியில் உள்ள தனியார் மருத்துவமனையில் 50க்கும் மேற்பட்ட கொரானா நோயளிகள் தங்கி சிகிச்சை பெற்று வருகின்றனர். நடிகர் விஜய்யின் பிறந்தநாள் வருகிற ஜூன் 22ம் தேதி வருவதையொட்டி மதுரை மாவட்ட விஜய் மக்கள் இயக்கத்தை சேர்ந்த ரசிகர்கள் தனியார் மருத்துவமனையில் சிகிச்சை பெற்று வரும் நோயாளிகளை மகிழ்ச்சிப்படுத்தும் விதமாகவும், அவர்களின் மன அழுத்தத்தை போக்கும் விதத்திலும் கொரானா வார்டுக்குள் பிபிஇ கிட் கவச உடை அணிந்து அவர்களுக்கு சத்தான உணவுகளை வழங்கியதோடு,
விஜய்யின் மாஸ்டர் படத்தில் வரும் வாத்தி கம்மிங் பாடலுக்கு நோயாளிகளோடு இணைந்து உற்சாக நடனமாடினர்.
அடுத்தவர்களை சந்தோஷப்படுத்தி நாம் மகிழ்ச்சியடைய வேண்டும் என ரசிகர்களை நடிகர் விஜய் கேட்டு கொண்டதால் கொரானா நோயாளிகளை மகிழ்ச்சிப்படுத்தும் வகையில் இதனை செய்ததாக விஜய் ரசிகர்கள் கூறினர்.
